يا عنكبوتة كملي عشك
لا حد حيزيحك ولا يهشك
لمي مهاجرينك
وثبتي دينك
اتمطعي
وخدينا في وشك
بلاد
بلا عزة
ممكن تجيبي أجلها من هزة
بلا ضفة
بلا غزة
بالدم
رشي اللي بماء رشك
وكملي عشك
لمي مهاجرينك ولو ملايين
يا عنكبوتة إحنا مش فاضيين
مدي الخيوط خيط خيط
وإكسي كل الحيط
نامي ف أمان
واتمطعي ف فرشك
من وشنا
مابنسمعوش وشك
لمي مهاجرينك وتعالي لي
لا تهم تباريري وتعاليلي
أنا في الخلا بانفخ شعاليلي
وانظم قوافيّ وتفاعيلي
وما تلقينيش ساعة يعوزني الفعل
أغش نفسي
وعمري ما اغشك
وأحشّ روس أهلي ولا أحشّك
حتعيشي أبد الدهر
حتوحديها إنتي، نهر ونهر
نشّي اللي ما قدروش على نشّك
أنا زي ما بعت السنين الخرس
ورضيت بربع الربع
خمس الخمس
مجاني حاوهب لك عيون القدس
مين اللي سألك
تتركي عرشك؟
طب دا احنا خُدّامك
في النوم
بنوحي لك بأحلامك
واحنا اللي بنحققها
قدّامك
آسف
سكوتي ربما داوشك
فتربصي بينا
ولا يهمك
دمانا فدا دمك
وتبعترينا
واحنا بنلمّك
ولو تحاصرك الأمم
ويكتّفوكي بالتهم
احنا سبيلك للخلاص في الكون
لما يضيق الحال
دايماً بيطلع مننا مجنون
يهتف: يعيش صهيون!ه
ونغش بعضينا ولا نغشك
بالعكس، بندلّع وبنهَشّك
ناكل ف بعض
فَ يتملي كرشك
وقرشنا ف ثانية
يصير قرشك
يا عنكبوتة
إنتي أصواتنا
وزعيقنا وصواتنا
ودم أحياءنا وأمواتنا
هدّي عشوشنا
وكملي عشك
لا حد حيزيحك ولا يهِشك
لا حد حيزيحك ولا يهِشك
عبد الرحمن الأبنودي
لا حد حيزيحك ولا يهشك
لمي مهاجرينك
وثبتي دينك
اتمطعي
وخدينا في وشك
بلاد
بلا عزة
ممكن تجيبي أجلها من هزة
بلا ضفة
بلا غزة
بالدم
رشي اللي بماء رشك
وكملي عشك
لمي مهاجرينك ولو ملايين
يا عنكبوتة إحنا مش فاضيين
مدي الخيوط خيط خيط
وإكسي كل الحيط
نامي ف أمان
واتمطعي ف فرشك
من وشنا
مابنسمعوش وشك
لمي مهاجرينك وتعالي لي
لا تهم تباريري وتعاليلي
أنا في الخلا بانفخ شعاليلي
وانظم قوافيّ وتفاعيلي
وما تلقينيش ساعة يعوزني الفعل
أغش نفسي
وعمري ما اغشك
وأحشّ روس أهلي ولا أحشّك
حتعيشي أبد الدهر
حتوحديها إنتي، نهر ونهر
نشّي اللي ما قدروش على نشّك
أنا زي ما بعت السنين الخرس
ورضيت بربع الربع
خمس الخمس
مجاني حاوهب لك عيون القدس
مين اللي سألك
تتركي عرشك؟
طب دا احنا خُدّامك
في النوم
بنوحي لك بأحلامك
واحنا اللي بنحققها
قدّامك
آسف
سكوتي ربما داوشك
فتربصي بينا
ولا يهمك
دمانا فدا دمك
وتبعترينا
واحنا بنلمّك
ولو تحاصرك الأمم
ويكتّفوكي بالتهم
احنا سبيلك للخلاص في الكون
لما يضيق الحال
دايماً بيطلع مننا مجنون
يهتف: يعيش صهيون!ه
ونغش بعضينا ولا نغشك
بالعكس، بندلّع وبنهَشّك
ناكل ف بعض
فَ يتملي كرشك
وقرشنا ف ثانية
يصير قرشك
يا عنكبوتة
إنتي أصواتنا
وزعيقنا وصواتنا
ودم أحياءنا وأمواتنا
هدّي عشوشنا
وكملي عشك
لا حد حيزيحك ولا يهِشك
لا حد حيزيحك ولا يهِشك
عبد الرحمن الأبنودي
هناك ٣ تعليقات:
هي المرة الاولى لزيارة مدونتك تلك
اذا كنت مخصصاها لما قرأتيه واعجبك، فهل تسمحي لي اقتراح شيئا ما لتقرأيه وقد يعجبك؟؟؟
رواية "حد الغواية" للكاتب عمرو عافية عن دار ميريت
اعتقد هتعجبك اوى اوى وهاجي اشوف اجزاء منها كمان
;)
شكراً على تعليقك يا مي
المشكلة هي أنني أعيش في ألمانيا، ولا توجد لدي طريقة للحصول على الرواية التي ذكرتها هنا.
أنا عادة ما أضع قصائد شعرية أو مقاطع منها في هذه المدونة، لكن ذلك لن يمنع بالطبع أن أضع مقاطع مما أقرأه من النثر أيضاً في المستقبل
تحياتي
اعجبت بالفكرة بتاعتك يا ياسمين بلوج للقراءات التى اعجبتك فكرة هايلة ..
قصائد جميلة ومختارة ولكبار الكتاب مثل عبد الرحمن الابنودى وخالد الصاوى واقتراحى هتلاقى حاجات كتير على الانترنت عن احمد فؤاد نجم واعتقد ان عرفاة ..
تحياتى
إرسال تعليق